SARA AZURZA

Sara Azurza 1997ko martxoaren 18an jaio zen Donostian, eta haurtzarotik egon da m usikarekin lotuta. Urtebete besterik ez zuenean, asteburuak i garotzen zituen bere familia entretenitzen, kanturako zuen dohaina erakutsiz. Zortzi urterekin, bere lehenengo gitarra, Juanita, jaso zuen opari gisa, eta harekin hasi zen bere lehen abestiak konposatzen. 17 urterekin, lehen aldiz igo zen eszenatokira Iker Lauroba kantautorearen eskutik, eta berak animatu zuen bere lehen lana grabatzera.

Hiri Ilunen Umeak Sara Azurzaren bigarren diskoa da, eta bere ibilbide artistikoaren fase berri eta sakonago bat markatzen du. Proiektu hau emakume gazte baten heldutasunerako trantsizioan bizi dituen erronka, kontraesan eta galderen inguruko hausnarketa musikala eta pertsonala da. Soinu aldetik, lanak indie-soul eta elektronika elementuak uztartzen ditu, eta Jon Agirrezabalagak (El Tigre Estudio) ekoitzi du, Sara Azurzaren lengoaia musikalari izaera sendo eta zaindua emanez.